Eksponatlar

Madaniy meros obyektlari davlat himoyasida.

There is no translation available.

 Shahrisabzda tayyorlangan koʻpgina mahsulotlar yuksak sanʼat asari darajasiga koʻtarilib, butun  Oʻrta Osiyoda mashhur boʻlgan.

Xususan Shahrisabz kashtalari,zargarlik mahsulotlari, kulollik buyumlari va metall buyumlar nafis va bejirim naqshlari, rangi, bezaklari bilan ajralib, voha amaliy - badiiy sanʼat sohasida oʻz maktabiga ega boʻlgan madaniy hudud sifatida ajralib turgan.Shu oʻrinda zargarlik sanʼati haqida  fikr yuritamiz.Zargarlik sanʼati oʻzbek milliy, badiiy madaniyati tarixining ajralmas qismidir.U xalqning olis oʻtmishdagi maqsadlarini oʻrganishda yordam beradi.Zargarlik mis, oltin, kumush, qalay  kabi rangli metallardan qimmatbaho va noyob zebu - ziynatlar, taqinchoqlar, bezak buyumlarini mohirona yasash sanʼatidir.Zargarlik bilan xalqimiz qadim - qadimdan shugʻullanib  kelgan va hozirgacha bu udim davom etib kelmoqda.Yurtimizda shunday zargarlar borki ular sanʼatiga qoyil qolmasdan iloji yoʻq.Ana shunday qoʻli gul zargarlardan biri shahrisabzlik Olim Jurayevdir.Olim Jurayev  zargarlik sanʼtiga  bolalikdan qiziqqan.Chunki u kishi bilan suhbatlashganimizda: ,,Men  birinchi,ikkinchi  sinflarda oʻqigan paytlarimdan boshlab, eski televizor va radiolarning ichidan  chiqqan sariq, qizil rangli simlardan uzuk yasab yurardim" - degan fikrni aytdilar.Haqiqatdan ham Olim  Juraev zargarlikka yoshligidan qiziqqan  ekan.1994 yilda  Shahrisabz shahrining ,, Kristall" zavodida ish boshlagan Olim Jurayev  ustozi Zayniddin Qoʻldoshevdan zargarlikning siru - sinoatlarini yana qunt bilan oʻrgandi.Ustozining har  bir maslahatiga amal qilgan Olim  Joʻrayev  qoʻli gul zargar boʻlib  tanildi.Hozirda bir qancha shogirdlar tayyorlab, ularga ustozlik qilib kelayotgan Olim Jurayev Prezidentimiz tomonidan bir qancha mukofotlar bilan taqdirlandi.Oʻzbekiston Respublikasi Prezidenti  sovrini uchun Shahrisabz tuman bosqichida oʻtkazilgan ,, Eng yaxshi tadbirkor", ,,Eng yaxshi hunarmand", ,,Eng yaxshi fermer", ,,Tashabbus - 2004" koʻrik tanlovi gʻolibi, ,,Tashabbus - 2004" koʻrik tanlovining, ,,Eng yaxshi hunarmand" yunalishi boʻyicha viloyat bosqichida 3 - oʻrin gʻolibi.Hozirda yurtboshimizning tashabbuslari bilan zargarlarga juda katta imtiyozlar berilmoqda.Jumladan,marvarid,olmos va qimmatbaho toshlarga  import bojxona bojlari  solinmaydi. Oʻzbekistonda zargarlik buyumlarini elektron tijorat orqali sotishga ruxsat berilmoqda.Prezident qaroriga koʻra,2021 yil 1 apreldan boshlab qimmatbaho toshlardan yasalgan zargarlik buyumlarini ichki va tashqi  bozorlarda elektron tijorat orqali sotishga ruxsat beriladi."Zargarlik sanoatini yanada rivojlantirish uchun qulay  shart - sharoitlar yaratish chora - tadbirlari toʻgʻrisida" gi Prezident qarori (PQ - 4998 - mln,22.02.2021 y.) qabul qilindi.Qarorga koʻra,2023 yil 1 martgacha zargarlik buyumlarini ishlab chiqaruvchilarga qimmatbaho metallarni toʻgʻridan - toʻgʻri  shartnoma asosida yoki kechiktirib toʻlash sharti bilan sotish tartibi joriy qilinadi.2021 - 2023 yillarda zargarlik buyumlarini ishlab chiqarish,yosh mutaxassislarni tayyorlash va yaratiladigan yangi ish oʻrinlarining maqsadli parametrlari tasdiqlandi.Zargarlik buyumlarini ishlab chiqaruvchilarga mikrokreditlar ajratiladi.2023 yil 1 yanvargacha zargarlik buyumlari ishlab chiqaruvchilarning xalqaro  koʻrgazmalarda ishtirok etish bilan bogʻliq xarajatlarining 50 foizi Tadbirkorlik faoliyatini qoʻllab - quvvatlash davlat jamgʻarmasi tomonidan kompensatsiya qilinadi.Yurtimizda zargarlik sanoatiga  eʼtiborning kuchaytirilishi   zargarlarning  yanada  koʻproq izlanishga,yangiliklar  yaratishga oʻndamoqda. Olim Joʻrayev  ham hozirgi kunda  qoʻl ostidagi  shogirdlari bilan birgalikda xalqimizga  bejirim taqinchoqlar  yasab, hormay - tolmay mehnat qilib,olqish olib kelmoqda.Xalqimizda : ,,Yer yuzida bitta ayol qolsa ham zargarga ish bor" - degan naql bor. Zargarlarimiz tomonidan yasalgan taqinchoqlar doim qadrlanib, asrab - avaylab kelingan. Biz ham usta zargar Olim Jurayevning bundan keyingi ishlariga rivoj  tilab qolamiz.

 

Sohiba Ochilova


Sample image

Tel: +998 99 748 02 22

"Shahrisabz" davlat muzey- qo'riqxonasi bosh direktori Ma'ruf Uljayev Orifjonovich

Sample image

Tel: +998  91 950 52 87

"Shahrisabz" davlat muzey- qo'riqxonasi Ilmiy ishlar bo'yicha direktor o'rinbosari Alisher Ro'ziqulov

Tel: +998 90-440-23-00

"Shahrisabz" davlat muzey- qo'riqxonasi ilmiy kotibi U. Yusupova